[b]السلام عليكم
شوفوا بقي يا فتاتيك انا اول مره اكتب ف القسم ده وبما اني دايما ف بحث
دائم عن الرشاقه وبرضه ان الاكل يكون صحي فانا باخد الاساسيات وبفتكس
المهم طولت عليكم النهارده هقلكم ع طريقة المحشي الدايت عشان ناكل ومنتحرمش
من اللي بنحبه وبرضه منتخنش كوول
شوفي يا ستي اولا
نجيب الكرنبه عادي ونعمل الخطوات العاديه من سلق وتقطيع وتجهيز
نيجي بقي للحشو وده الرك كله هتقطعي بصلايه كبيره وتحطيها ع النار لوحدها كده ومعاها شوية ملح صغننه
عشان تدبله وتنزل ميته وطعمه وبعدين تعصري طماطم وتنزلي بيها عليه حلو الكلام وسيبيها تتسبك عادي
ونكهي بكل التوابل اللي بتحبيها وبعدين تجيبي الرز وحاولي تقلليليه شويه وكده كده بينفش وبعدين تغسليه
وتسلقيه نص سلقه ايوووووووون تسلقيه مش بقلك دايت يا سلام مش هياخد منك 7 دقايق بس يكون نوع
الرز حلو عشان ميعجنش وتشيليه وتنزلي بيه ع الصلصه اللي اتسبكت وتحطي خضرتك عادي واحشي وكله تمام
وبالنسبه للشوربه اما تكون ميه ومرقه او شوربه بس متشال منها الدهون يعني تسقعيها ف التلاجه وتشيلي الوش مرتين
كل ما تسقع كده بتبقي خاليه الدسم تماما وتحطي مع الشوربه كوباية عصير طماطم وتغليها وتحطيها ع المحشي الملفوف
والمرصوص كويس وبعدين يا ست الكل الشوربه تبقي نص المقدار الطبيعي عشان الرز نص سوا
واول ما يتشرب وطي النار عدل وكلي احلي محشي من غير دهون خالصصصصصص مالص
هاه ايه رايكم عايزه الاقي الردود تنزل تررررررررررف عليا فاهمين الشر كله