عيش الشمسى ده عيشنا الاساسى فى الصعيد
وانا بحبه جدا بس كنت بشتريه من بره
لقيته مش حلو خالص ولونه غامق وحاجه تسد النفس ولسه هستنى عقبال
مايجى من البلد عشان انا عايشه فى المدينه قلت طب مابقى شطوره وجوزى ينبسط
لما اعمله فى البيت واوفرله كمان لان الرغيف ب1ونص ومش حلو كمان
بس فعملته فى البيت وطلع تحفه
نقول
بسم الله الرحمن الرحيم
اول حاجه الخميره ودى اهم لازم تخلى بالك
وتخمريها كويس عشان العيش يطلع حلو ونافش ومبيرقعش
نخش على المكونات 4كيلو دقيق
وماء دافىءللعجن زى مالدقيق ياخد
ومقارس بيتحط عليها العيش بس انا مش عندى فممكن كرتونه
او تفرشى جلبيه قديمه على الارض وتفردى الرد عليها لو عرفتى
ورده زى بتاعة السمك المشوى
معلقه خميره بيره اللى هى صوابع
والاضافه بقى تجيبى من المخبز رغيف فينو نى مش مستوى
لان فى القرى بيبقى فيه عجينه من خبيز قديم طبعا مش عندى
ومعلقه سكر ومعلقة ملح
الطريقه وياريت نركز
نجيب عجانه او اى حاجه تعجنوا فيها ونحط فيها كوب ماء دافىء
وندوب رغيف الفنو النى والخميره ومعلقه السكر وبعدين نحط الدقيق
ونعجن عجينه متماسكه وكويسه ومالكه فى ايدينا وبعد كده نغطيها بنقطه زيت على الوش
عشان متعملش قشره ونسيبها لغاية تانى يوم تكون خمرت وملت العجانه يعنى
ممكن تعجنيها 1بالليل على الساعه 8تخبزى الصبح يعنى
الجزء التانى 3كيلو الباقيين نحطهم فى حله كبيره ونملى ماء دافىء للعجن
وكوب نغرف بيه الماء وندوب فيه معلقه الملح ضرورى جدا الملح ونعجن كويس
ونملك العجينه بس تكون العجينه ملساء ومش طريه ونعمل حفره فى العجين ونصب الخميره بقى ونعمل عجين الفلاحه
ونشيل ونخبط لغايه ما يتجانس كله مع بعضه
اهم حاجه نضرب العجين كويس وبعدين نختم العجين ونقول عجين عجنتك بالصلاة على النبى ختمتك هى جدتى كانت تقول كده
ونجيب المقارص اللى انا فرداها بالرد ونقطع العيش ونسويه بس مش نفرده
قوى بس خلى بالك لان وشه بيعمل طبقه بسرعه فخلى بالك واعملى بسرعه
ويتحط فى الشمس بس انا معنديش شمس فعملته فى تحت المروحه وبعدين
نقلبه لما يلف من تحت ونسيبه تانى لغايه ماتيجى تحطى ايدك عليه تلاقى وشه شد
بس وتسخنى الفرن كويس والدرج اللى تحت الفرن اللى بيتحط فيه الاكل عشان
يفضل دافى ممكن تحطى فيه عقبال ماالفرن سخن وتشقيه بسكينه دبوس اى حاجه
بس بصراحه انا استخدمت مشرط جراحه جديد من بتوع جوزىهههههههههههه
ولما نرص فى الفرن نعدل العيش نخلى الوش فوق والرده تحت لغايه مايحمر ويعلى
ويستوى ويحمر وتخبطى عليه يعمل رنه وتطلعيه على قماشه لغايه مايبرد ويتحط فى اكياس
وفى الفريزر وعلى الميكرويوف لما تعوزى وبالهنا والشفا
واسيبكم مع الصور
والجيش قال لك اتصرف
الخميره وهى خمرانهلاول مره على فتكات العيش الشمسى بالصور من مطبخى ومش منقوووووووووووووول
العجينه بعد مااتعجنت
ودى العجينه بعد ماملكناها بس الكاميرا بعافيه شويهلاول مره على فتكات العيش الشمسى بالصور من مطبخى ومش منقوووووووووووووول
ودى الكرتونه اللى استخدمتهالاول مره على فتكات العيش الشمسى بالصور من مطبخى ومش منقوووووووووووووول
وانا بقطع وارص على الرده والمقارص
الأربعاء أبريل 06, 2011 6:34 am